Глава 23
О молитве Исусовой
Учение св. церкви и св. отец.
Евангелие от Матфея, глава 26, зачало 108, л. 44 об., изд. 7159 г.
Тогда прииде с ними Исус в весь, нарицаемую Гефсимания, и глагола учеником: сидите ту, дондеже шед помолюся тамо. И поем Петра и оба сына Зеведеова, начат скорбети и тужити. Тогда глагола им Исус: прискорбна есть душа моя до смерти, пождите зде и бдите со мною. И прешед мало, паде на лицы своем, моляся и глаголя: отче мой, аще возможно есть, да мимо идет от мене чаша сия: обаче не якоже аз хощу, но якоже ты.
От Луки, зач. 109, л. 117 обор.
И исшед, иде по обычаю в гору Елеонскую, по нем идоша ученицы его. Быв же на месте, рече им: молитеся, да не внидете в напасть. И сам отступи от них, яко вержением камене, и поклонь колена, моляшеся, глаголя: отче, аще волиши мимо нести чашу сию от мене, обаче не моя воля, но твоя да будет.
Инок Зиновий, Послание многосл., стр. 101, изд. 1880 г.
Благий наш владыка и Господь повеле нам молитися присно, но и сам собою молитися образ нам законоположил есть.
1-е Послание к солуняном, глава 5, зачало 273.
Блюдите, да никто же зла за зло кому воздаст: но всегда доброе гоните и друг ко другу и ко всем. Всегда радуйтеся, непрестанно молитеся, о всем благодарите: сия бо есть воля Божия о Христе Исусе в вас.
Зач. 282, 1-е Посалние к Тимофею, гл. 2, ст. 1.
Молю убо прежде всех творити молитвы, моления, прошения, благодарения за вся человеки.
Зиновий мних, многословное послание, по рукописи 16 века, стр. 112, 113.
И сия убо апостольския заповеди апостольстии же преемници, и по них отцы, якоже прияша от апостол в святых церквах и молитвы, и поклонение.
Беседы апостольския, послание к римляном, нравоучение 8, стр. 130.
И аще вспети ему веси божественныя припевания, абие уязвится, суть же нам суть припевания духовная имя Господа нашего Исуса Христа и креста сила: сие припевание не от вертепов точию изводит и в огонь вмещет змия, но и раны исцеляет. (На поле). Имя Исусово и сила креста: Господи Исусе Христе Сыне Божий, помилуй мя.
Евангелие недельное, в 17 неделю, изд.7160 г. лис. 201.
Молю же ся всем верным, хотящым спастися, правило молитвы не презирати николиже, но аще ядите, или пиете, или делаете, или шествуете, или стоите, или сидите, или что ино творите, непрестанно вопиите кождо вас: Господи Исусе Христе Сыне Божий, помилуй мя.
Номоканон, завещание святаго Василия великаго иноку. Правило 87, л. 29 об.
Аще не книжный есть инок, да творит на всяк час поклонов 50, глаголя: Господи Исусе Христе Сыне Божий, помилуй мя грешнаго. Аще ли не может творити поклонов, да глаголет пять сот молитв на час глаголя со вниманием: Господи Исусе Христе Сыне Божий.
Пролог 18 апреля, сл. святаго Иоанна Златоустаго.
Где любо еси сице глаголи: Господи Исусе Христе Сыне Божий, помилуй мя грешнаго.
Пролог, месяца июня, 22 дня, слово от старчества, лист. 553.
Много смущаются и молвят бесове, егда инок вооружает себе тайным поучением, еже сице Господи Исусе Христе Сыне Божий, помилуй мя.
Пролог, месяца генваря 9 дня, слово о некоем мнисе, л. 653.
И яко прииде час, вонь же надеяшеся прельщенный вознестися на небеса, и виде пришедша бесы, и рече: приидоша отче, тогда игумен объем его, возопи глаголя: Госопди Исусе Христе Сыне Божий, помози прельщенному рабу твоему, и не остави его нечистыми бесы обладану быти.
Никон Черныя горы, слво 28, л. 195 обор.
Но должен есть, аще или яст или пиет, или шествует, или служит, или сидит, или ино что творит, непрестанно звати: Господи Исусе Христе Сыне Божий, помилуй нас.
Никон Черныя горы, слово 12, л. 83 обор.
Единоглаголанную молитву рече, сиречь, на единаго взирая Господа Бога нашего и се точию помышляя и моляся о спасении своем: Господи Исусе Христе Сыне Божии, помилуй мя.
Слово 28, л. 198.
Что есть сокровенное поучение отче; и рече к нему: шед поучайся в сердци своем и в мысли своей трезвенне со страхом и трепетом глаголя: Господи Исусе Христе Сыне Божий, помилуй мя: ибо блаженный Диадох новоначальным сице предаяше.
Устав Большой, издания 7156 г. в 7 лето Иосифа патриарха, л. 942.
Господи Исусе Христе Сыне Божий, помилуй мя грешнаго.
В книге лествице, слово 15, лист 155.
Единоглагольную молитву рече, сиречь, на единаго Господа Бога нашего взирая, и се точию помышляти, и молитися о спасении своем сице: Господи Исусе Христе Сыне Божий, помилуй мя.
Соборник Большой, гл. 23, сл. о честных иконах, святаго Григория Двоеслова, папы римскаго, лист 308 обор.
Не тако якоже ты глаголеши, аки богом поклоняемся; но идеже есть образ Христа Бога, и глаголем ко образу: Господи Исусе Христе Сыне Божий, помози ны и спаси ны.
Тоя же книги, глава 24, Слово о кресте и о святых иконах, святаго Германа, патриарха Константина града, л. 321.
И молящеся тако глаголем. Аще убо Господня икона есть, глаголем: Господи Исусе Христе Сыне Божий, помози и спаси нас.
Книга Старчество, гл. 12, о пресвятой молитве, изд. 1907 г.
Аще хощеши Бога видети и ты человече, глаголи молитву Исусову... Глаголи молитву сию безпрестани, несть бо ея боле ни небеси горе, и на земли долу, еже есть сие: Господи Исусе Христе Сыне Божий, помилуй мя грешнаго.
Преподобнаго Иосифа волоколамскаго, слово 7, стр. 319, изд. 1896 г.
Да и ты, любимиче, убо где еси, или на мори, или на пути, или в дому, или ходя, или седя, или спя, и на всяком месте непрестанно молися в чисте совести, глаголя сице: Господи Исусе Христе Сыне Божий, помилуй мя, и Бог послушает тебе.
Книга Кириллова, гл. 4, слово о кресте, л. 178 обор.
О том же глаголют святии отцы, егда приходит злый помысл, или приводит тя ко греху, прекрести лице свое, и призови распеншагося на кресте, глаголя: Господи Исусе Христе Сыне Божий, помилуй мя, и тако удалится от тебе помысл лукавый.
Фотий митрополит московский, Послание во Псков, гл 17, л. 170.
А мирским людем правоверно живущим, подобно и сим правило церковно держати пред святыми иконами, в своих домех да глаголи сице: Господи Исусе Христе Сыне Божий, помилуй нас.
Стоглав, собор бывший в Москве в 1551 г., гл. 8, стр. 66.
Просфорницам не подобаем над просфирами ничто же приговаривати (только) Господи Исусе Христе Сыне Божий, помилуй нас.
Катехизис Большой, гл. 68, л. 307 обор., изд. 1895 г.
Вопрос. Где же во святых писаниих написано, еже Сын Божий призываем бывает; Ответ. Дивлюся уму твоему, пачеже сего и тебе самому. Кто еси ты; и откуду, и веры в кого; Поне и беси трепещут и знают и молят его, да не послет их в бездну. Или паки инде глаголет: что мне и тебе Исусе Сыне Бога живаго, пришел еси прежде времени мучити нас; ты же человек сый не стыдиши ли ся вопрошати о сем: Где писано есть, еже призывати Сына Божия. Писание же везде и всегда того призывает... Вси вернии и христиане православнии непрестанно зовут его. Аще на пути, аще в дому, аще стоит, аще сидит, аще яст, аще пиет, аще что начинает, аще совершает, присно вопиет и сице глаголет: Господи Исусе Христе Сыне Божий, помилуй мя грешнаго.
Книга святаго Петра Дамаскина, Добротолюбие, часть 2, гл. 49.
Яко не точию от реченных святых отец, но и от самых верховных апостол Петра и Павла и Иоанна обретошася тайно научени некако духом глаголы священныя и боготворныя молитвы: един убо глаголет: никтоже может рещи Господа Исуса, точию духом святым (1 Кор., гл. 12, ст. 3). Другий же: благодать и истина Исус Христом бысть (1 Иоанн., гл. 1, ст. 17). И всяк дух, иже исповедует Исуса Христа в плоть пришедша, от бога есть (1 Иоанн, гл. 4, ст. 2). Предъизбранный же от Христовых ученик на вопрошение сие спаса и учителя к самим апостолам: кого мя глаголют человецы быти; блаженнейшее противо наводя исповедание отвеща: ты еси Христос Сын Бога живаго (Матф., гл. 16, ст. 13, 16). Таковая речения, яко рассеянно и почасти треми сими столпами, святыя церкве предвозвещенныя, божественныя отцы во едино собравше, столп молитвы нарекоша; с сими спасительными молитвы, глаголы сиречь: Господи Исусе Христе Сыне Божий, составиша и сочиниша, наипаче же младенственнейших ради.
Святаго Семеона Фессалонитскаго, гл. 296, лист, изд. 1895 г.
Елика есть священная молитва сия убо божественная молитва спаса нашего призывание: Господи Исусе Христе Сыне Божий, помилуй мя, и молитва есть и моление, и исповедание веры, и Духа Святаго подательная, и даровании Божественных подательница, и чистота сердца, изгоняющая демонов, и селение Исуса Христа, и духовных помышлений и мыслей божественных источник, и грехов избавление, душам и телесем исцелительница, и просвещения божественнаго подательница, и Божия милости студенец, и откровений и поучений божественных со смирением даровательница, едино спасительное носит: зане и спасительное в себе Божие носит имя, еже убо единое имя есть названо на нас Исуса Христа Сына Божия, и несть ни в чесом ином спастися нам, яко рече апостол, тем же и молитва есть, зане в ней божественную взыскуем милость: и моление, яко подаем себе Христу чрез его именование... И се знамение нашея веры, зане и христиане есмы, всяк бо дух, иже исповедует Господа Исуса Христа в плоть пришедша, от Бога есть, и иже не исповедует, не от Бога: и сей есть антихрист, иже не исповеда Исуса Христа, и подобает всем верным сие имя непрестанно исповедати и ради проповедания веры, и ради любве Господа нашего Исуса Христа, его же ничтоже нас разлучити может. Глава 297. Подобает в коемждо еже о сем сию молитву действовати по силе священным мнихом и миряном... Священнии же, яко апостольскому сему делу да тщатся, и якоже божественнаго проповедания, божественная действия действующу: иже в мире, якоже печать сию свою, и знамение веры, и освящение, и сохранение, искушения всякаго изгонительницу, по силе да действует.
Книга древлеписьменная, хранится в Москве, в библиотеке Ф.П. Москвина. Послание святейшаго Иосифа, патриарха Московскаго, к королю Валдемару, глава 85.
А мы символ православныя веры, еже исповедание верою во единаго Бога, и нас научили апостоли и отцы скорым знамением, еже рещи: слава Отцу и Сыну и Святому Духу, и ныне и присно и во веки веком, аминь. И тою рукою воображаем крест на лице своем... Или единому от святыя Троицы Божию Сыну в славу Богу Отцу и Святому Духу, о нем же написано во всех пророцех, яко о том имени спастися всем языком в поднебесней, еже сие: Господи Исусе Христе Сыне Божий, помилуй нас. Замыкаетжеся в сих дву строках богословных и вся: верую во единаго Бога, исповедание православныя веры, егда убо положим на себе крест рукою.
Деяние 7-го Вселенскаго Собора, том 7, стр. 18, изд. 1891 г.
Мы почитаем иконы не как богов, как ты говоришь, да не будет; мы не на них возлагаем надежды. Если пред нами находится икона Господа, мы говорим: Господи, Исусе Христе, Сыне Божий, помози нам и спаси нас. Того же тома, стр. 301. Кто отвергает всякое писанное предание церковное, тот да будет анафема.
Матфей Властарь, сост. 2, гл. 7, стр. 30, изд. 1892 г.
Ибо тот, кто сделался анафемою, становится чуждым Христу и собранию верных и отдается в удел сатане.
Собор, бывш. 1341 года, на Варлаама Калабрийскаго.
Епископ Порфирий Успенский, Первое путешествие в Афонскии монастыри и скиты в 1845 году, часть 1-я, отделен. 1-е, стр. 241–243.
Калабриец Варлаам монах, безразсудно и самовольно зыблясь на пучине великомнения о себе и гордясь своей философиею, вооружился против выспренняго и истиннаго любомудрия, против учения духа...
Кроме того, в сочинениях Варлаама указаны были нападки на особенности безмолвников и на обычную у них и у всех христиан молитву: Господи Исусе Христе Сыне Божий, помилуй мя, произносимую с вдыханием воздуха внутрь себя. По словам Варлаама, наставних этих безмолвников (Григорий Палама), по примеру богомилов, научил их говорить: Господи Исусе Христе Сыне Божий, помилуй мя, а не Господи Иисусе Христе, Боже наш, помилуй нас, как говорят все христиане, и даже отменил Отче наш, считая эту молитву и все прочия излишним многоглаголанием. Но все это противно исповеданию верховнаго апостола Петра и ублажению его за то Владыкою. Ибо Петр сказал: Ты еси Христос Сын Бога живаго, и Господь ответил ему: блажен еси Симоне вар Иона, яко плоть и кровь не яви тебе, но Отец мой, иже на небесех. Да и в Символе веры мы читаем: верую во единаго Бога Отца, и в Сына Божия единороднаго, иже от Отца рожденнаго прежде всех век. Итак, когда мы говорим: верую в Сына Божия, разве не Богом признаем Христа; вещает же об оной священной молитве и Златоустый и божественный учитель Иоанн в своем послании к монашествующим: служите непрестанно Господу Богу вашему, доколе помилует вас, и ничего другаго не просите, кроме милости от Господа славы, прося же милости, просите ее в сердце смиренном и умиленном и вопийте от утра до вечера, и, если можно, во всю ночь: Господи Исусе Христе Сыне Божий, помилуй мя... Прошу вас: никогда не опускайте правила оной молитвы, но ядите ли вы, или пьете, или ходите, или что делаете, непрестанно взывайте: Господи Исусе Христе Сыне Божий, помилуй мя. Далее изложены подобныя наставления святаго Диадоха и Василия великаго, наконец, прописано следующее решение собора: и так оказалось, что Варлаам неправославно и хульно говорил и писал о Фаворском божественном свете и о священной молитве, часто произносимой монахами. Монахи же оказались невиновными, так как они содержат предания и учения о сем святых отцов, что и исповедали они и подтвердили.
Там же, стр. 245 и 246.
Варлаам называется головщиком и защитником подновленнаго арианства и савеллианства, и безбожнаго и многобожнаго сочетания и разсечения Божества. Он многих увлек за собою и обвинил в ереси честнейшаго монаха Григория Паламу. Посему созван был собор (1341 г.), который и осудил его. И отлучен от святой и соборной и апостольской церкви Христовой и от православнаго единства христиан: Иоанн, милостию Божиею архиепископ Константина града новаго Рима и вселенский патриарх, смиренный митрополит Сардийский, экзарх всей Лидии, и всечестный Григорий, смиренный митрополит Лакедемонский и всечестный Нил. Митрополит мадитонский смиренный Исаак, смиренный митрополит Витзий и всечестный Макарий, смиренный митрополит Аланий и Сотириуполя и всечестный Лаврентий и проч. и проч.
И бесы нарицали Христа Сыном божиим.
Св. Афанасий александрийский, част. 1, стр. 232, изд. 1902 г.
Теперь же нечестивые не веруют, но демоны видят, что Он Бог, и потому бегут и припадают к нему, говоря, что говорили, когда был в теле: вемы, кто еси, святый Божий (Мар., гл. 1, ст. 24), и остави, что нам и тебе, Сыне Божий (Матф., гл. 8, ст. 29); Молю тебя, не мучь меня. Итак, поелику бесы исповедуют и дела сивдетельствуют ежедневно, то ни кто да не противится безстыдно истине.
Евангелие от Матфея, зачало 28.
И пришедшу ему на он пол, в страну Гергесинскую, сретоста его два бесна, от гроб исходяща, люта зело, яко не мощи никому минути путем тем. И се возописта глаголюще: что нам и тебе, Исусе Сыне Божий;
Катехизис Большой, гл. 68, л. 307, изд. 1895 г.
Дивлюся уму твоему, паче сего и тебе самому. Кто еси ты и откуду, и веры в кого; поне и беси трепещут и знают и молят его, да не послет их в бездну. Или паки инде глаголет: что мне и тебе Исусе Сыне Бога живаго;
Беседы Апостольския, зач. 199, стр. 1474, посл. Галат., гл. 1.
Якоже бо в царских цатах, иже мало от образа пресек, всю цату непотребну сдела: сице иже здравыя веры и малейшую часть превратив, все погубляет на горшая, происходя от начала... Аще и худое что подвинут, анафема да будут. Там же, стр. 1473 г. Благочестия отступити, Бога есть отступити.
Глава 24
Об аллилуии
Новое учение повелевает троить аллилуию, проклинает сугубую аллилуию и предания о сугубой аллилуии признает лживыми, вымышленными, бездельными, еретическими и диавольским наветом.
История Русской Церкви, митр. Макария, том 12, стр. 219, 220, изд. 1880 г.
В 21 день генваря 1658 г., за всенощной в Успенском соборе Никон приказал троить иллилуию и прибавлять: слава тебе Боже. Григорий, бывший тут же, стал укорять Никона и говорить, что преподобный Евфросин Псковский был у вселенских патриархов, вопрошая о вещи сей, и заповедал двоить аллилуию. Никон назвал сказание о Евфросине ложным.
Регламент Петра Перваго, стр. 11, 12 изд. 1765 г.
Смотреть истории святых, не суть ли некие от них ложно вымышленныя, сказующия чего не было: или и христианскому православному учению противныя, или бездельныя, и смеху достойныя повести. И таковыя повести обличить и запрещению предать, с объявлением лжи, во оных обретаемой. Ибо суть таковыя явственно ложныя и здравому учению противныя. Например: в житии Евфросина Псковскаго, спор о двойственном аллилуиа пении явно ложный есть и от некоего бездельника вымышленный, в котором, кроме самого тщетнаго догмата, о двоении аллилуиа обретаются Савеллиева, Несториева и иныя ереси.
Соборное деняие 1666 г., лист 29 обор., лист. 5, 6.
Святая Христова восточная и апостольская церковь, от святых апостолов и святых богоносных отцев, и вселенских учителей, прият сию ангельскую песнь, сиречь аллилуиа, в божественном пении во учиненных местех глаголати: аллилуиа, аллилуиа, аллилуиа, слава тебе, Боже. А яже писана, в Евфросинове житии, она вся суть суемудрие... Безумия списателева Евфросинова жития. И сие смущение еже глаголати: аллилуиа дважды, таже слава тебе Боже, не от Евфросина бысть, но от списателя Евфросинова жития диавольским наветом (на учение Пресвятой Богородицы зри ниже, л. 5 и 6). И аллилуиа в божественном пении, в учиненных местех, глаголати трижды, сиречь: аллилуиа, аллилуиа, аллилуиа, слава тебе Боже, по древнему преданию: якоже писано есть и в древних характейных славянских книгах.
Жезл Правления, часть 1, л. 66 и обор.
Се же преблаго бывает сице поюще и глаголюще: аллилуиа, аллилуиа, аллилуиа, слава тебе Боже. Чрез трищи аллилуиа, троичество лиц, чрез едино, слава тебе Боже, единство исповедующе естества.
В двукратном же аллилуиа никакоже троица во единстве показатися может, паче же двоица токмо изображается. Ибо аще аллилуиа тоже знаменует, еже хвалите Господа, то рекше дважды, аллилуиа, аллилуиа, глаголется: хвалите Господа, хвалите Господа, и будет два лица токмо помяновенна, таже приложивше, слава тебе Боже, заключается, сице слава двома лицома, но единому Богу, еже есть богомерзско и противно вере православной. Иная свидетельства Максима Грека и Игнатия Богоносца привносят ложно.
Увет Иоакима, патриарха московскаго, глава 10, л. 148 обор.
Пращица, Ответ 138, л. 225, изд. 1753 г.
Аще же бы и напечатано было по дважды в новопечатных греческих, и то не восточныя церкви предание, но всячески новоумышление латинскаго костела.
Ответ 21, лист 76 и 77 обор.
Подобне и аллилуиа глаголати по дважды, предание того же еретика Мартина и еретика лживаго, списателя преподобнаго Евросина псковскаго: склоняется же подобием ереси македониеве. Подобно и дважды глаголати аллилуиа, будет точию двум ипостасем, по Македонию еретику.
Никифор, Астраханский, л. 123 обор., изд. 1880 г.
В житии Евфросина Псковскаго спор от двойственном аллилуиа пении явно ложный есть и от некоего бездельника вымышленный, в котором, кроме самого тщетнаго догмата о двоении аллилуиа, обретаются Савеллиева, Несториева и иныя ереси.
Григорий, митрополит, Истинно-древняя Церковь, стр. 290 ч. 2, изд. 1874 г.
Потом исконный враг (т.е., диавол) святой церкви расположил этих справщиков церковных книг признать некоторыя частныя мнения своего времени за истинны и самовольно внести их в наши церковныя книги, не смотря на то, что тех мнений никогда в наших церковных книгах не было. Таковыя их мнения были: о сложении двух перстов для крестнаго знамения и благословения, о пении аллилуии по дважды.
Протоколы любителей духовнаго просвещения, стр. 387, изд. 1874 г.
Проклинаю всех таковых, иже ныне глаголют по псалмех аллилуиа по дважды, а не по трижды, и прочих учат творити тако, да будут прокляти и анафема.
Чтение в Обществе Любителей духовнаго просвещения, сентябрь 1880 г., стр. 310.
Сочинение о сугубой аллилуиа и двуперстии находятся и в других лаврских списках сочинений Максима № 200 и 201. В 200 слова о сугубой аллилуиа, л. 274, и двуперстии, л. 281, почищены и заменены соответственно православному обычаю.
Никифор Астраханский, стр. 315, изд. 1880 г.
Поелику же служба святому Евфросину содержала нечто от сих лжей и клевет, а в службе святым трем мученикам было нечто не сходственное с их страданиями, то право и свято обе оне в новопечатных минеях оставлены, изключены, да не принесем каиновой жертвы, принося святым молитвы и хвалы со лжею и клеветою смешанныя. Следовательно, не ходатайство и не помощь святых обрящем, но грех соделаем, и учинимся отвратительными от самых святых и всемогущаго Бога.
Прибавления к творениям святых отец, стр. 317, за 1884 г., том 51, часть 3.
15 мая. Память преподобнаго Евфросина псковскаго зачеркнута и перед службою ему замечено: Не быти сей службе. Действительно, в Минее 1691 г. она исключена, равно как нет ея в уставе 1682 г., и следующих. Празднование преподобному Евфросину было утверждено на соборе 1549 г., а служба ему составлена много раньше. Поводом к исключению ея из наших служебных книг послужило, вероятно, ея содержание, где превозносится похвалами преподобный Евфросин, как установитель сугубой аллилуиа, а обычай двоения аллилуиа представляется православным и утвержденным патриархом цареградским.
Деяние собора 1666 г., лис. 93, изд. 1893 г.
Аще ли кто ныне начнет прекословити о изложенных винах на соборе сем великом, от святейших вселенских патриарх, еже исправиша, и узаконоположиша о алиллуии и о кресте и о прочих винах, яже писаны суть в соборном изложении настоящаго сего собора, в лето от Божия по плоти рождения, 1666 г., и в книзе Правления Жезла, да будет, по апостолу Павлу, в правду самоосужден и наследник клятве сего собора, писанней в соборном деянии его, яко преслушник Божий, и святых отец правилом противник. Там же, лист 33 обор. Сие есть наше толкование и заповедь о Святом Символе, о аллилуии... Аще же кто будет противлятися нам и всему освященному собору, Богу противляется и уподобляет себе прежним проклятым еретиком и сего ради наследити имать, якоже и тии еретицы, анафему и проклятие святых богоносных Отцев, святых седми вселенских соборов, и в страшный суд о сем осужден будет, от Господа Бога и Спаса нашего Иисуса Христа во втором Его и страшном пришествии.
Древнее учение — дважды глаголати аллилуия.
Сугубая аллилуия, по объяснению преп. Максима Грека, имеет глубокое богословское и символическое значение.
Преп. Максим Грек, слово 28, ко смеющым трищи глаголати аллилуия, чрез предания церковнаго, а четвертое: слава тебе Боже.
Предание изначала прияхом апостольское и отеческое равне списанне преданным нам православным догматом блюсти, и апостольская и отеческая, ненаписана церковная предания, непретворна: уставы отеческия преставляти несть твердо. Глаголет Соломон премудрыи. И блаженный Павел: хвалю же вас, братия, яко держите моя предания. Многим бо сущим и различным церковным преданиям.
Единою от них есть древнее предание, еже дважды глаголати аллилуиа и посем приглашати слава тебе Боже, в псалмоглаголаниях. И к таковому церковному обычаю первыи блаженныи Игнатии Богоносныи научен бысть от самых бесплотных ангельских сил, егда явишася ему, по Божию всяко строению, поюще псалмы на два лика разделени. Како убо нецыи смеют претворити ангелы преданное сие старое церковное предание, трищи глаголаще аллилуия, а в четвертое приглашати слава тебе Боже. Но негли оно рекут, яко в Божественней Апокалипсии сице есть писано святым Иоанном Евангелистом. Ксему же их противоположению, оно первие реку к ним: что же о сих не ведяху ли явльшиися божественнии ангели блаженному Игнатию, еже во Апокалипсии четверогубное, а не трегубное, якоже вы глаголете аллилуия; Ей, всяко ведаху. Тии же бо и тогда сие воспеша на небесех седящему на престоле Богу. Чесо убо ради сице предаша пети блаженному Игнатию, а не якоже в Божественней Апокалипсии содержится; но всяко не думеетеся ко ответу, аз же разрешу вам сицевое недоумение, разумеите убо прилежно. Яко в Божественней Апокалипсии, сего ради четырежды воспето бысть аллилуия: ельма же три тамо чинове видятся, воссылающе вышнему хвалу. О нем же нечестивых град Вавилон великий огнем опепели и до конца истребил есть. И первый чин поющих, иже глаголется глас велии на небеси народа глаголящаго: аллилуиа.
Начало пению сие сотворь, тойже и конец, еже и второе глаголется во Апокалипсии аллилуиа. А третие аллилуиа вторый чин поющих и поет: сие же суть двадесять и четыре старцы. И яже о владычнем престоле четыре четверообразна животна. А четвертое аллилуиа третий чин поющих глаголет, иже именуется глас народа великаго, аки глас вод многих. И первый убо чин славословит вышняго, о немже отмщение сотворил есть рабом своим, избиенным его ради, истребив до конца град нечестивых. Вторый же чин, поклонившеся седящему на престоле, запечатлев пение перваго чина, тем аминь аллилуиа. Третий же чин возглашает четвертое аллилуиа, о нем же истребленным бывшим нечестивым, воцарися Господь Бог Вседержитель. К сим же и оно приметите прилежно, яко тамо кийждо чин единою припевает, еже аллилуия, а не дващи, ни трищи, зане един есть Бог Святая Троица, якоже единым поклонением поклоняема бывает, сице единою аллилуиею славословится. Но негли к сим речете противящеся нам и глаголюще: и аще сия сице есть, чесо ради и вы не единою, но дважды возглашаете вышнему аллилуия, а третие слава тебе Боже; К сим оно воспеша на небесех по единому еже аллилуиа. Сице и в сущей на земли апостольстей церкви трие чинове суть.
Первый чин священником, и от лица их первое аллилуиа: вторый чин преподобных инок, от лица их второе аллилуиа: третий же чин православных верных мирян, их же от лица припевается сице: слава тебе Боже: еже есть сказательно сея аллилуиа, что бо есть у нас, еже слава тебе Боже, то есть у евреех аллилуия. К сим еще и оно глаголем к вам, яко сие сице глаголем: соблюдающе прилежно преданный от самех святых ангел обычай блаженному Игнатию, егда явишася ему поюще божественныя псалмы, да не ко прочим нашим согрешением и аки презирателие и преступницы отеческих преданий осудимся. Вы же что к сим противу отвещаете, или кое праведно показание творите; яко и богоугодне и добре мудрствуете, сие и глаголете. Нам бо тверде сие ведомо есть, яко супротив отеческих преданий и самех святых писаний носитеся и себе самех и иных прельщаете.
Но негли глаголете, яко святая Божия Церковь, яже в ветхом Риме сице держит и возглашает. И аще сице глаголете, явствене исповедуете себе самех причастникох сущих латынския паче части, а не святыми апостолы преданнаго неблазненнаго благоразумия. Судите убо сами, аще полезно и спасительно есть вам, еже со зловерными латины и папою пети Святую Троицу, а не со благоверными, проповедующими слово евангельския истины, четырмя патриархи православными.
Аще же римскаго папы сана стыдящеся, сице возглашаете, еже аллилуиа. Время уже вам, о предобрии, и прочим церковным папиным обычаем соглашати. Истее же рещи ересем, и по всей святей четыредесятницы, даже и до великия субботы молчати, еже аллилуиа: понеже и он молчит е.
Такоже и живоносное Спасово воскресение с ним совершати, в 3 час великия суботы, и глаголати с ним не якоже от отец прияхом мы и глаголем: Христос воскресе из мертвых, смертию на смерть наступив и бывшим во гробех живот дарова: но глаголати, якоже папа поет, тако: Христос воскресе из мертвых, аллилуиа трижды. Ниже в квасней просфире, но во опресноце, якоже он совершати священную тайную службу: ниже проскомисание потребно мнети, понеже ни он нужно мнит: ниже ектению, ниже и приношение и различныя молбы, ниже выход с евангелием, ниже перенос частных даров от жертвенника в Божественный олтарь.
Но сия вся отставити, аки излишна и папе не потребна. Ниже теплоту вливати во священный потир, понеже ни он вливает, но трижды вдыхати в потир, якоже он. Ни изрядно возглашати, ни Достойно есть яко воистину пети, ни кенаники, понеже ни он, ниже в начале священныя тайныя службы возглашати: Благословено царство Отца и Сына и Святаго Духа, но глаголати вам с ним: во имя Отца и Сына и Святаго Духа, аминь.
Ниже отпуск прочее творити, якоже прияхом от божественных отец, священнику глаголющу к верным людем: Христос Истинныи Бог наш, и прочая, но отпущати, якоже папа отпущает, глаголя, обращаяся к людем: идите совершися. Минейже и октайки, и каноны, и стихеры, и самогласны, и догматики, и тропари, и кондаки, всегодное украшение и наслаждение духовное святыя апостольския Божия церкви, отверзите прочая и непотребна мыслите, понеже и папа не требует, ниже приемлет их. Аще же сия вся странна и безместна, и слуху благоверному никако же приятна есть, и видятся нам. Да держим крепце священныя предания блаженных апостол, и возсиявших по всей вселенней богодухновенных отец наших, повинующеся божественному апостолу Павлу, глаголющу: тем же убо братие и держите предания наша, им же научистеся или словом, или посланием нашим.
И инде тойже: в научения странна, и различна не прилагайтеся. Да не прельщаемся убо саном папиным, ниже да внимаем отнюд преухищренных хитрословием, глаголемых докторов, да не с ними явимся, хуляще в самех главизнах правых догмат непорочныя веры христианския. Али нам мало видится прегрешение и осужение, еже паче устава, и страшных клятв всех священных вселенских соборов, прилагати с папою во исповедании православныя веры, еже и от Сына происхожение Святаго Духа: виновна мудрствующим и Сына Божеству Всесвятаго Духа, паче евангельскаго Богословия, объявленнаго самем Богом Словом и кроме всех вкупе вселенских собор, и богословцев учителей; Такожде мало ли нам ся кажет хуление, еже с папою мудрствовати огнем чистительным очищатися беззаконная деяния, беззаконно и богомерзко живших грешных и тако прейти им в живот вечный.
И наипаче неумытному судии, явственне во Святом Евангелии, глаголющу: и изыдут благая сотворшии в воскресении животу, рекше в живот вечный и царство неколеблемо, а сотворшии злая, сиречь, иже по всему житию своему беззаконновавшии и не покаявшеся, достойне своих беззаконий, в воскресение суду, рекше, осужению и нескончаемыя муки, по глаголющему Божественному гласу: идите от Мене проклятии во огнь вечный, и прочая. И паки: и отъидут праведные убо в живот вечный, а грешники в муку бесконечную, а не во огонь, очищающ грехи. Лучше убо нам всяким образом поминати всегда притчи Спасовы, яже о богатем и нищем, и с патриархом Авраамом мудрствовати и глаголати со дерзновением: чадо, помяни, яко восприял еси благая твоя в животе твоем, такожде и нищий сей Лазарь злая своя: и ныне сей утешаем есть, ты же болезнуеши, но и промежь вами же и нами пропасть утвердися превелия, и прочаго горькаго, увы, ответа онаго.
Научившеся убо сим малым писанием от части, какова странна и безместна суть папина учения и обычай. Берегите себе крепце от ереси папы римскаго, и от хитрословия единомудренных ему, глаголемых докторов, иже прельстиша многих малоумных и еще прельщают всяким образом внешняго учения: не внимайте хитрословием их, держитеся отцепреданнаго православныя веры в простоте и в беззлобии сердца, пиюще нелестное млеко, непорочныя невесты небеснаго жениха Исуса Христа Истиннаго Бога, Тому слава и держава во веки веком, аминь.
Рукопись хранится у Е.Е. Егорова за ном. 18, в Хлудов. библ. за ном. 73, у Ф.П. Москвина за ном. 111.
Историческия свидетельства о сугубой аллилуии.
Часослов, по уставу, иже во святем граде Иерусалиме, святыя и великия Лавры, преподобнаго и богоноснаго отца нашего Саввы освященнаго, изд. в 7 лето Иосифа патриарха, лис. 4.
Аллилуия, аллилуия, слава Тебе Боже. Тоже на листах 14, 31, 54, 64 и 66.
Следованная Псалтырь, Митрополита Киприана, рукопись Московской духовной академиии, ном. 142, лис. 145.
Аллилуия, аллилуия, слава Тебе Боже. Тоже на листах 146 и 155.
Захарий Копыстенский, Полинодия, стр. 1027.
Киприан родом гречин, з Царигорода от патриарха Нила посвященный и в послушенстве патриаршом пребывал.
Митрополит Фотий, Послание во Псков, 6927 г., гл. 17, лис. 170. Рукопись в библ. Ф.П. Москвина.
А мирским людем, правоверно живущим, подобно и сим правило церковное держати пред святыми иконами, в своих домех... вместо начала убо да глаголи сице: молитвами святых отец наших, Господи Исусе Христе Сыне Божий, помилуй нас, аминь. А еже о аллилуии на славах сице глаголи: слава Отцу и Сыну и Святому Духу, ныне и присно и во веки веком, аминь. Аллилуиа, аллилуиа, слава Тебе Боже: аллилуиа, аллилуиа, слава тебе Боже: аллилуиа, аллилуиа, слава Тебе Боже.
Захарий Копыстенский, Полинодия, стр. 1029.
Фотий митрополит, от патриарха Константинопольскаго Каллиста посвященный, и в послушенстве того пребывал.
Никон Черногорец, Тактикон, сл. 1, лис. 2.
Таже аллилуиа дважды, слава Тебе, Боже, по трижды.
Потребник, напечатанный в Стрятине в 1606 году при Гедеоне, епископе Львовском, Екзархе Константинопольском, с греческаго, добраго исправления, Требника, присланнаго из Афонской горы Александрийским патриархом Мелетием, листы 35 об., 91 об., 104, 106, 111 и 246.
Аллилуиа, аллилуиа, слава Тебе Боже.
Устав святаго Феодора Студита, древлеписьменный, харатейный, хранится в Синодальной библ. за ном. 330, по описан. Горск. и Невоструев. № 380.
Аллилуиа, аллилуиа, слава Тебе Боже.
Устав пергам 14 века, Синод. библ., за нум. 384, лис. 14.
Лик поет: аллилуиа, аллилуиа, слава Тебе Боже. Тоже в пергам. уставе, Синод. библ. № 383, л. 3.
Преп. Максим Грек, слов. 28.
Еже сказательно сея аллилуиа; что бо есть; У нас еже слава Тебе, Боже, то есть у евреев аллилуиа.
Стоглав, гл. 42, лис. 149, изд. 1863 г.
Понеже бо по-еврейски аллилуиа, а по русски слава Тебе Боже.
Е. Голубинский, Богословский Вестник, месяц май, 1892 г., стр. 222.
Что бо есть у нас: слава тебе Боже, то есть у евреев: аллилуиа.
Тоже и деян. собора 1666 г., лис. 34 обор.
Е. Голубинский, к нашей полемике с старообрядцами, стр. 218, изд. 1905 г.
Великий князь Василий Иванович говорил на смертном одре: аллилуиа, аллилуиа, слава Тебе, Боже.
Подлинная Макарьевская Четь-Минея (в Синод. библ.), месяц май, столб. 536 и 537, чудо 2.
Пришед Богородица, ста с преподобным близ взглавия моего, и ничто же перьвие не ускори глаголати ко мне, но стояху купно святыя и с архангелом окрест ея. Аз же убо разумех видение, яко истинна есть зримая мною: и сего ради, яко паучина встрепетах от страха и радости пришествием ею, и объумрох боязнию, яко паук, и ничто прочее земнаго суетьства помышлях, но слышах Богородицу с прочими глаголющу, иже еже пришедшии с нею, яко нужду ми есть творят християне велию неведением своим... Нужду ми творят, трояще Божественная аллилуиа. И сего ради впиши тайну сию, Ея же аз, Богородица, тебе повелеваю: и первое в начале напиши сице: да воскреснет Бог и разыдутся врази его. Воскресни Боже суди земли. Воскресни Господи, да вознесется рука твоя. И сего ради да двоится воистинну правоверным Божественная аллилуиа.
Первые дважды да глаголется в прославление Отцу: аллилуиа, аллилуиа, слава Тебе Боже. И паки же второе глаголется дважды Божественная аллилуиа, глаголется дважды в славу единочадаго ради Слова Божия: аллилуиа, аллилуиа, слава Тебе Боже. Третицею же паки дважды глаголется Божественная аллилуиа: глаголется в прославление Святому Духу... таже бо глаголется аллилуиа, аллилуиа, слава Тебе Боже... А идеже убо сице троится Божественная аллилуиа, ту есть прилагаемый чуждий Бог языческий.
Служебная Минея, месяц май, 15 дня, служба преп. Евфросину, на стиховне, изд. Иосифа патр. в 7153 г.
Егда убо Богу споспешествующу, преподобне Евфросине, духовным желанием распалашеся о божественной тайне пресвятыя аллилуии, царствующаго града достигл еси и от святейшаго патриарха честно приемлем бываеши и благословения сподобляешися, и писание приемлеши от него о пречистей аллилуии. Тогда и сам зриши умныма очама в соборней церкви дважды глаголема пресвятая аллилуиа, и оттуда паки к своей обители посылаем бываеши, мир и благословение братии с собою нося. Темже и обитель твоя с любовию, яко отца, восприимлет тебе, в ней же ты многа лета подвизася в посте и воздержании, и трудех, еже к Богу, и писание братии предав, и мир, и благословение, ко Господу отходиши, того моля спастися нам, иже любовию поющих тя.
Там же, на 6 песни.
Иоанна Златоуста ревности последуя, преподобне отче Евфросине. Он бо винограда ради от царицы заточен бысть, тыже от столпа философа многа претерпе уничижения и досаждения от неразумных человек о пречистей аллилуии, и того Божиею благодатию посрамил еси.
Там же, на 7 песни.
По божественнем преставлении, отче Евфросине, списателю пишущу твое житие и чудеса, яже ты сотвори о Христе и в недоумении ему бывшу о божественней аллилуии, вы же отцы богоноснии с Пресвятою Богородицею и со архангелом в видении являетеся и повелевающе без сумления писати Христову тайну, вопиющи: благословен Боже Отец наших.
Прибавление к творениям святых отец, т. 51, ч. 3, стр. 317, изд. 1884 г.
Празднование преподобному Евфросину было утверждено на соборе 1549 г., а служба ему составлена много раньше... А обычай двоения аллилуиа представляется православным и утвержденным патриархом цареградским.
Н.Ф. Каптерев, Патриарх Никон и его противники, гл. 2, стр. 24, изд. 1887 г.
Наряду с другими древними обрядами русские заимствовали у греков и двуперстие в крестном знамении, сугубую аллилуию и другие.
Е.Е. Голубинский, Богословский Вестник, 1892 г., месяц май, стр. 200.
Свидетельство об употреблении греками сугубой аллилуии находим в так называемом Студийском уставе Константинопольскаго патриарха Алексия, который занимал кафедру с 1025 по 1043 г. и устав котораго был перенесен из Греции в Россию стараниями преподобнаго Феодосия Печерскаго.
Стоглав, гл. 42, стр. 148 и 149, изд. Кожанчикова.
Что во Пскове и в великом Новегороде, по многим монастырем и по церквам, по многим местем, до днесь говорили трегубую аллилуиа, кроме апостольских и отеческих преданий. Известно же уже убедихом от писателя жития преподобнаго отца нашего Евфросина псковскаго, новаго чудотворца, как, его ради святых молитв, извести и запрети Пресвятая Богородица о трегубой аллилуии, и повеле православным христианам говорити двоегубое аллилуиа, а в третие: слава Тебе Боже.
И того ради отныне всем православным християнам пети двоегубое аллилуиа, а в третие: слава Тебе Боже, якоже соборная и апостольская церкви имея и предаде: а не трегубити аллилуиа, якоже прежде сего во Пскове говорили и по многим местом же трижды аллилуиа, а в четвертыи приговаривали: слава Тебе Боже. Сия несть православных предания, но латынская ересь: не славят бо троицу, но четверят и Святаго Духа глаголют от Отца и Сына исходяща, и тем раболепно Святаго Духа творят: и того ради не подобает аллилуиа трегубити, но дважды да глаголют аллилуиа, а в третие слава Тебе, Боже: понеже бо по-еврейски аллилуиа, а по-русски — слава Тебе Боже.
Е. Голубинский, История церкви, период 2, том 2, стр. 791.
Макарий предписал в Стоглаве, чтобы персты для крестнаго знамения и для священническаго благословения слагаемы были двоеперстно и чтобы песнь аллилуиа была возглашаема не трегубо, а сугубо, т.е. аллилуиа, аллилуиа, слава Тебе Боже.
Преп. Максим Грек, Послание к святейшему Макарию митроп., ч. 2, гл. 29, стр. 357–361.
Блажен воистинну и треблажен ты еси, преосвященне владыко... Молю твое преподобие, не ласкательне сие глаголюща, показа сей наш последний род твое преподобство, богоугодне и апостололепно правяща кормила святейшия митрополия Москве и всея Русии... ревнитель сый православных догматов апостольских христианонепорочныя веры и Спасовых Божественных заповедений исполнитель прилежен.
П.С. Смирнов, История старообрядчества, ст. 15, изд. 1895 г.
Соборное уложение, изложенное в книге Стоглав, с самаго появления своего сделалось, как бы второю кормчею для русской церковной жизни.
Е.Е. Голубинский, История русск. церкви, период 2, т. 2, стр. 791, 792.
Когда некоторые наши ученые распространяют эти простоту и невежество на все, что написано Макарием в Стоглаве, и на всю вообще его деятельность, то они, по неведению или по преднамеренности, являются возмутительно несправедливыми к знаменитейшему из наших церковных деятелей.
Глава 25
Об имени Иисус
Хула на имя Исус.
Жезл Правления, лис. 78 об., изд. 1753 г.
Сицевое есть пресладкое имя Иисус, еже прияхом от елинскаго Иисус, тресложнаго, знаменующаго же, Спаситель, по оному ангельскому извещению, еже ко Иосифу: и наречеши имя ему Иисус: той бо спасет люди своя от грех их. Аще же не будет тресложно, не будет иметь того знаменования: убо подобает сие имя тресложно писать. Паки, сим именем две изображается тайне, по свидетельству некоего мужа премудра: Чрез два слога первая, еже есть, чрез I и И душа и тело знаменуется Божия Сына воплощенна. Чрез третий паки слог треписменный СУС является Святая Троица. Аще убо един слог оставится, сие таинства знаменование разорится: убо весьма тресложно писати подобает.
Еще ведательно есть, яко едина от Сивил прорицаше о имени Мессии глаголющи: яко имя его исполнит число осмь сот осмьдесят и осмь: исполняется же сие число гречески пишемым именем Иисус, от него же аще отъимется писмя. И разорится сия тайна.
Феофилакт Лопатинский. Обличник, гл. 4, л. 81 обор., изд. 1752 г.
По таковому произведению Исус будет изъявляти не спасителя, но равноуха... Изрядно глаголете, но разсудите, от кого вам сия болезнь, аще истинну глаголете; от вас самех, иже безумным упрямством своим таковое имя спасителю, еже не спасителя, но равноуха знаменует... И тако вы оставивше Иисуса Спасителя, осталися при Исусе равноухом... Такожде и в сложении сих: Исос и ус, не будет Исосус, но Исус, равноухий.
Дмитрий Ростовский, Розыск, час. 1, гл. 15, лис. 24, изд. 1877 г.
Понеже ино знаменует Иисус, ино же Исус. Иисус, якоже прежде рехом, толкуется с еврейскаго языка Спаситель, с греческаго же исцелитель. ИСУС же что знаменует; внемлите: по-гречески ИСОС, по-нашему глаголется равный: Оус, же глаголется ухо. Та два речения егда в едино место сложиши, будет Исоус, еже глаголется равноухий. Но не буди нам тако нарицати Христа Спасителя нашего. Сего ради лучше есть писати Иисус, неже Исус, да и глаголем в три силлабы, знаменующыя Спаса и Исцелителя нашего Христа, а не в две силлабы, знаменующыя равноухаго... В российском же языке раскольщики, в две токмо силлабы, глаголюще Исус, не исповедуют Спасителя и Исцелителя душ наших. И вправду в них ин Исус: не истиннаго бо Иисуса, Спасителя и Исцелителя, исповедуют, но некоего Исуса равноухаго... ин бо обретеся в них Исус, глаголемый равноухий.
Симон, епископ Рязанский, Наставление правильно состязатися с раскольниками, ч. 1, стр. 175, о имени Иисусовом, изд. 1805 г.
Имя Иисусово писать и произносить надобно с буквою И, тако Иисус, а без сего И Исус пишется и произносится отнюдь не правильно. Имя Иисусово, с И пишемое и произносимое, удерживает свое знаменование, ибо означает по ангелову ко Иосифу предречению Спасителя. Но отыми от того букву И, и тогда составится оно из греческих слов: Исос, равный, и ус, ухо, и произведешь уже не спасителя, но равноухаго.
Пращица, Ответ 146, л. 232, изд. 1552 г.
Сего ради, подражающе святым апостолом и евангелистом, и нам подобает такожде писати тресложно сице Иисус, а не двоесложно Исус, по неже есть в том велие различие по греческому языку. У них бо знаменует Исос, по-нашему то будет равный: по их же языку ус, то по нашему будет ухо: и те два речения, егда во едино сложиши, и будет Исус, еже глаголется равноухий. Но не буди нам тако нарицати Христа Спасителя. И сего ради лучше есть писати Иисус, неже Исус, да глаголем в три слога, знаменающе Христа Спасителя нашего Исцелителя, а не в два слога, знаменающе равноухаго.
Соборное деяние на еретика арменина, мниха Мартина, в конце Пращицы, лис. 7 обор.
Пятое на десять: ересию у нас называше имя Иисусово, пишемо сицевым образом: Иисус, но повелеваше писати сице Исус.
Виноградов, О Феодоритовом слове, стр. 186, изд. 1866 г.
У наших предков появились жаркие споры за прилог истиннаго и за писание имени Исус, как за священную старину. А она вовсе была не старина, и никак не священная: ее напечатали совратители православных русских в немецкую веру.
Юзов, Староверы, стр. 73.
Высокопоставленные пастыри православной церкви предали раскольников за эти обряды анафеме, называли двухперстное сложение армянским кукишем, говорили, что Исус не может быть названием Бога, потому что обозначает равноухий.
Митрополит Григорий, Истинно древняя и истинно православная Христова церковь, ч. 2, стр. 290, изд. 1874 г.
Потом исконный враг (т.е., диавол) святой церкви расположил этих справщиков церковных книг признать некоторыя частныя мнения своего времени за истинны, и самовольно внести их в наши церковныя книги, не смотря на то, что тех мнений никогда в наших церковных книгах не было. Таковыя их мнения были: о сложении двух перстов для крестнаго знамения и благословения, о пении аллилуии по дважды, об употреблении креста только осмиконечнаго, о писании и произношении имени Господа Исус, а не Иисус.
Никифор Астраханский, Ответы, гл. 7, лис. 71, изд. 1800 г.
От чего же такая дерзость: от глубокаго ли невежества ваших учителей, которые не ведая силы сокращения, начали читать Исус вместо Иисус, или что гораздо вероятнее, Мартин арменин... вам сообщил, и сему также вас наставил... Но и все армяне даже до нынешнего дня не Иисус, но Исус читают и пишут.
Бедные! Какия и коликая есть сия ваша гордость; вы хощете показать себя ученее православной церкви, и учений святых отец, по елику и пресвятейшее имя, имя, еже паче всякаго имени, да о имени Иисусове всяко колено поклонится, небесных и земных и преисподних... Имя, которое составил Бог из трех слогов, да покажет таинство трех единосущных ипостасей, в едином Божественном естестве соединенных: и сие то имя, (Иисус) искушением врага рода человеческаго, предшественники ваши исказить дерзнули, отняв от него един слог (и) и сделав его чудовищным и ничего незначущим.
Присяга хотящим взыти на степень священства, Патриарха Иокима, изд. 1679 г.
Верую, приемлю и проповедую, яко имя Господа Спасителя нашего Христа, и того двомя письмы тако пишимы глаголану быти Иисус, яко оно имя пречистей Богоматери Деве в благовестии архангел Гавриил, от Бога с небес на еврейском языке снесенное предаде, верую и приемлю.
И обещаюся, яко имя Господа Спасителя моего, как народу проповедовать, обещаюся так и самому глаголати, и писати не Исус, но Иисус, утвержати буду, и во артикуле втораго чина точно тако глаголати и во единаго Господа нашего Иисуса Христа и прочее. Тако всем сердцем, и душею в того Иисуса, а не во Исуса, ниже именованный, верую я.
Проклинаю тех, иже не приемлют имя глаголати Господа нашего Спасителя Иисус, а глаголют Исус, и глаголати иных учат, да будут прокляти и анафема.
Глава 26
Об имени Исус
Евангелие от Луки, зач. 3.
В месяц же шестый, послан бысть ангел Гавриил от Бога, во град галилейский, ему же имя Назарет, к девей обрученней мужеви, ему же имя Иосиф, от дому Давыдова, и имя девей Мариам. И вшед к ней ангел, рече, радуйся обрадованная, Господь с тобою, благословенна ты в женах. Онаже видевши, смутися о словеси его и помышляше, каково будет целование се. И рече ангел ей, не боися Мариам, обрете бо благодать от Бога, и се зачнеши во чреве, и родиши сына и наречеши имя ему Исус. Сей будет велий, и Сын Вышняго наречется. Даст ему Господь Бог престол Давыда, отца его. И воцарится в дому Ияковли во веки, и царствию его не будет конца. Рече же Мариам ко ангелу, како будет се, идеже мужа не знаю; И отвещав ангел рече ей, Дух Святый наидет на тя, и сила Вышняго осенит тя. Тем же и рождаемое свято, наречется Сын Божий.
Толкование Блаженнаго Феофилакта.
В правду же наречеся Исус, на спасение рода нашего пришед. Имя бо сие на еллинский язык прелагаемо, Божие, глаголется, спасение. Исус, убо спас толкуется, яко наше спасение глаголется.
Евангелие от Матфея, зач. 2
Се ангел Господень во сне явися ему, глаголя, Иосифе сыну Давыдов, не убойся прияти Мариам жены твоея. Рождьшеебося вней от Духа есть Свята. Родит же сына, и наречеши имя ему Исус, той бо спасет люди своя от грех их.
Толкование Феофилакта.
Имя Исус несть еллинско, но евреиско. Сказаетжеся спас, той бо, рече, спасет люди своя от грех их, не токмо бо люди иудейския, но и вся языки, веровавшия и потщавшыяся, еже быти люди его. От чесого убо спасти имать; еда от брани и от пленения; ни, но от грех избавити их.
Апостол Толковый, послание к Филипписеем, зач. 240, лис. 820.
Сие же да мудрствуется в вас, еже о Христе Исусе, иже во образе Божии. Сый, не восхищением непщева быти равен Богу: но Себе смирил, зрак рабий приим, в подобии человечестем быв, и образом обретеся, якоже человек, смирил себе, быв послушлив до смерти, смерти же крестней: темже и Бог его превознесе и дарова ему имя, иже паче всякого имене, да о имени Исусове всяко колено поклонится небесных, и земных, и преисподних, всяк язык исповесть, яко Господь Исус Христос в славу Богу Отцу.
Пролог, месяца июня 24 дня, слово Святаго Афанасия Александрийскаго, на рожество Иоанна Предтечи и о Елесавефи, и о Богородице, лис. 565.
Не бойся, Марие, утверди свой помысл, вжили свою душю, укрепи свое сердце. Ты обрете благодать пред Богом, паче всех дев, и се зачнеши Сына, и наречеши имя ему Исус: сей будет велий, и Сын Вышняго наречется.
Пролог, месяца марта 25 дня, слово святаго И. Златоустаго, лис. 134.
Пришедшу же времени сбытия их, посла свыше архангела своего Гавриила, рек ему: иди к девей Марии, и рцы ей: радуйся обрадованная, Господь с тобою, благословенна ты в женах, и благословен плод утробы твоея. Се бо зачнеши во чреве, и родиши Сына, и наречеши имя ему Исус, той бо спасет людей своя от грех их, якоже слышасте евангелиста глаголюща.
Преп. Иосиф Волоколамский, слово 5, стр. 201.
Несть иного имене под небесем, о немже подобает спастися нам, точию о Господе нашем Исусе Христе.
Евангелие Благовестное, гл. 1, зач. 1, лис. 14.
Спасти бо, а не удивити тщашеся. Сего ради и сим именем наречеся Исус. Исус бо несть имя еллинско, но еврейско, еже есть еллинским гласом сказуется Спас. Спас же, яко спасая люди своя.
Евангелие Учительное, сл. 63, лис. 337 обор.
Исус, убо имя еврейско есть, сказуетжеся Спас. Исус бо спасение глаголется жидовским языком.
Соборник Большой, гл 6, святаго Григория Богослова, сл. 1, ст. 5, лис. 48.
Богослов, 5. Добро братолюбие, и свидетель Исус. Не брат наш нарищися точию, но пострадати за нас претерпевый. Добро человеколюбие и свидетель той же Исус. Не сотворив точию человека в делех благих и образ простыи спряг, наставника добрейших, и горних ходатая, но и быв нас ради человек.
Апостол Толковый, послание Иоанново, зач. 70, лис. 195 обор.
Толкование. Иже исповедует имя Господа Исуса Христа, чадо ему бывает по писанию, глаголющему: се аз и дети, еже ми есть дал Бог.
Четь-Минея Макарьевская, декабрь 4 дня, Иоанна Дамаскина, сл. 33, столб. 209.
Ангел Бо Господень послася к Святей Богородице, глаголаше: радуйся, взрадованная, Господь с тобою. Она же взмутися о словеси. Рече к ней ангел: не бойся, Марие, обрете бо радость от Господа, и родиши Сына, и наречеши имя ему Исус: той бо имать спасти люди своя от грех их. Того ради Исус Спас ся сказует.
Катехизис Малый, лист 9.
Вопрос. Та два имена Исус Христос что знаменуют;
Ответ. Исус имя аще прежде сего жидове и обще употребляху: но егда Слово Превечное, единородный Сын Божий, восприем на ся человеческое естество, тогда сие имя Исус ангелом Гавриилом от Бога с небес принесено есть, еже знаменует Спаситель: якоже Матфей евангелист написует: родит же Сына, и наречеши имя ему Исус: той бо спасет люди своя от грех их. И от того времене сие имя бысть особное и избранное: в немже человеческое спасение показуется, по реченному: несть о ином ни о едином же спасения: несть бо иного имене под небесем, даннаго в человецех, о немже подобает спастися нам. И сие имя сицевыя есть чести, яко и ангели, человецы и диаволи нань уповати и кланятися имут. По писанному апостолом Павлом: и дарова ему имя, еже паче всякого имене: да о имени Исусове всяко колено поклонится, небесных, и земных, и преисподних.
Катехизис Большой, гл. 1, лис. 4, изд. 1895 г. О християнине и о имени Исус Христове.
И бысть роду человечю, истинный Исус избавитель. Сие есть имя Исус, емуже поклоняется и припадает всякое колено небесных, и земных, и преисподних. Сие есть имя Исус, егоже аще кто призывает без сомнения, духом и истинною, спасен будет. Сие есть имя Исус, о немже аще кто что просит от Отца Небеснаго, вся приемлет. Сие есть имя Исус, егоже подобает всем верным присно имети, в сердцех и во устнех, во всех делех своих, по апостолу Павлу глаголющему: аще что творите, словом или делом, вся во имя Господа Исуса Христа творите, благодаряще Бога и Отца о нем. Тем Божественным именем имамы избавление прияти, и вся враги наша противныя победити.
Св. Иоанн Лествичник, сл. 15, лис. 179 обор.
Исусовем именем бий ратники, не бо есть на небеси и на земли крепчайшаго оружия.
Апостол Толковый, зач. 87, лис. 284.
Имя Исусово демоном страшно есть, и страстем и всяким недугом. Тем убо хвалимся, и тем нас ограждает.
И беси нарицаху имя Исус.
Евангелие от Матфея, зач. 28.
И пришедшу ему на он пол, в страну Гергесинскую, сретоста его два бесна, от гроб исходяща, люта зело, яко не мощи никому минути путем тем. И се возописта глаголюще: что нам и тебе Исусе, Сыне Божий;
Зач. 33.
И преходящу оттуду Исусове, по нем идоста два слепца, зовуща и глаголюща: помилуй ны, Исусе, Сыне Давыдов.
Евангелие от Марка, зач. 4.
И бе в соньмищи их человек в дусе нечисте и возва глаголя: остави, что нам и тебе Исусе Назарянине, пришел еси погубити нас, вем тя, кто еси, Святый Боже.
Евангелие от Луки, зач. 38.
И преидоша во страну Гадаринску, яже есть объон пол Галилеи. Изшедшу же ему на землю, срете его муж некий от града, иже имаше бесы от лет многих, и в ризу не облачашеся, и возопив, припаде к нему, и гласом велиим рече: что мне и тебе Исусе, Сыне Бога Вышняго;
Зач. 15.
И сниде в Капернаум, града Галилейска, и бе уча их в суботы и ужасахуся о учении его, яко со властию бе слово его. И в сонмищи бе человек, имый дух беса нечиста, и возопи гласом велиим глаголя: остави, что нам и тебе, Исусе Назарянине, пришел еси погубити нас.
Апостол Толковый, зач. 79, лис. 225, изд. 1888 г.
Апостол. Исус Христов. Толк. Златоуста. Исус человеческо являет, имя же сие Ангел с небеси снесе, егда благовествоваше деве.
Апостол, зач. 108.
Темже сказую вам, яко никтоже Духом Божиим глаголя, речет анафема Исуса, и никтоже может рещи Господа Исуса, точию Духом Святым.
Апостол Толковый, зач. 6, л. 21 обор.
И паки о имени Исусове, всяко колено поклонится небесных, и земных и преисподних. Толкование Златоустаго. Ведый, яко имя Исусово Бог есть, имже бо существо едино, и имя едино.
Блаж. Феофилакт, на деяние святых Апостол, гл. 2, ст. 37, 38, 39, 40, стр. 52.
Зная, что имя Исуса есть Бог, равно как и имя Отца и имя Святаго Духа.
Проклятие на отрицающих имя Господа Исуса.
Присяга хотящим взыти на степень священства, изданная в 1679 г., стр. 13.
Проклинаю тех, иже не приемлю имя глаголати Господа нашего Спасителя Иисус, а глаголют Исус, и глаголати иных учат, да будут прокляты и анафема.
Апостол Толковый, зач. 108, лис. 551, тол. Златоуста.
Егда, рече, увидиши кого имени Исусова ненарицающи или анафемающи, сиречь проклинающи, волхвом и чародеем онаго разумей. А егоже увидиши глаголющаго и вся именем Исусовым творящаго, духовна быти разумей.
Там же, зач. 120, лис. 462, толк. Златоуста.
Аще кто не любит Господа нашего Исуса Христа, анафема да есть. И аще кто вам благовестит паче, еже приясте, анафема да есть.
Там же, зач. 166, лис. 594.
Апостол. Иже не любит Господа Исуса, да будет анафема. Толк. Златоуста. Анафема же сице толкуется, да отлучится Христова общения, и да съосудится сатане и в негасимый огонь геенский.
Беседы Апостольския, синод. издание, на посл. к Римляном, гл. 9, зач. 100, стр. 280.
Аще кто не любит Господа нашего Исуса Христа, да будет анафема, сиречь, да отлучится от всех, да будет всех чужд.
Евангелие от Матфея, зач. 106.
Тогда речет и сущим ошую его, идите от мене, проклятии, в огонь вечный, уготованный диаволу и ангелем его... И идут сии в муку вечную.
Св. Кирилл Александрийский, час. 10, стр. 430, изд. 1896 г.
Но удаляется и со всем отделяется от отрекающихся от него, каковыми могут быть также и те, кто по внушению Веельзевула речет анафема Исуса (Кор., гл. 12, ст. 3), кои развращают все правое и вливают погибельный яд в души простецов.
Преп. Ефрем Сирин, сл. 105, о антихристе, лис.299.
Всяцем бо коварством кует, да отнюдь имя Господа Спасителя, пресвятое и славное, не именуется во времени змиева. Боящежеся и трепеща святыя силы имене Спасова, се творит немощный.
Апокалипсис, гл. 13, ст. 1.
И стах на песце морстем: и видех зверя восходящаго из моря, имуща седмь глав и рогов десять, и на рогах его десять венцов, а на главах его имена хульна... И даны быша ему уста глаголюща велия и хульная: и дадеся ему область сотворити месяцей четыередесять и два месяца отверзе уста своя в хулу на Бога, похулити имя его, и селение его, и на небеси живущыя.
Блаж. Феодорит, на прор. Даниила, час. 4, стр. 144.
Будут поступать с таким бешенством и неистовством, что на Бога Вышняго изрыгнет слова высокомерныя и хульныя.
Он же, на прор. Захарию, час. 5, стр. 136.
Так и антихрист повелит благочестивым отрекаться от Владыки Христа, а неповинующихся предаст всякаго рода казням.
Блаж. Феофилакт, на Деяние и Послания св. апост., час. 2, стр. 111, изд. 1905 г.
Что Антихристу свойственно говорить, будто Исус Христос не есть истинный Сын. Стр. 126. Кто соглашаетс с этою ложью, тот антихрист.
Библия Острожской печати, 3-я книга Моисеева, Левит, гл. 24.
Кто будет злословить Бога Своего, тот понесет грех свой, и хулитель Имени Господня должен умереть, камнями побиет его все общество. Пришлец или туземец ли станет хулить имя Господне, предан будет смерти.
Уложение Алексия Михайловича, изд. 7157 г., гл. 1, лис. 66, и в Кормч., гл. 45, лис. 364.
Будет кто иноверный какия-нибудь веры или и русский человек, возложит хулу на Господа Бога и Спаса Нашего Исуса Христа, или на рождьшую его Пречистую Владычицу и присно Деву Марию, или на Честный Крест, или на Святых его угодников. И про то сыскивать всяческими сыски на крепко, да будет сыщется про то допряма, и того богохульника обличив казнити зжечь.
Апостол, послание святаго Иоанна Богослова, зач. 71.
Кто есть лживый, точию отметаяйся, яко Исус несть Христос, сей есть антихрист, отметаися Отца и Сына, всяк отметаяйся Сына, ни Отца имать.
Св. Афанасий Александрийский, час. 4, стр. 440.
Как же может кто, безчестя Сына, не хулить Святыя Троицы; А кто хулит Троицу, той явно отрицает Святое Крещение. Отрицающий же его совлекается Духа Святаго. И как, если поругаешься над теплотою или лучем чувственнаго солнца, то поругание тое прострется на целое естество солнца, так безчестие единой ипостаси в трисиянном свете и таинстве Святыя Троицы есть безчестие всей полноты Божества.
Он же, час. 1, стр. 275.
Посему умаляющие Единороднаго Сына Божия хулят Бога... Потому что произносящий хулу на одну из Божественных ипостасей не получит отпущения грехов ни в сем веке, ни в будущем.
Неосновательность довода, что в имени Господа содержится число 888.
Жезл Правления, час. 2, стр. 79, изд. 1753 г.
Аще ведательно есть, яко едина от Сивилл прорицаше о имени Мессии, глаголюще: яко имя его исполнит число осмь сот осмьдесят и осмь. Исполняется же сие число гречески пишемым именем Иисус, от него же, аще отъимется писма И, разорится сия тайна. Тоже и в Увете Духовном, гл. 14, лис. 179, изд. 1882 г.
Обличник Феофилакта Лопатинскаго, гл. 4, лис. 80 обор.
Шестый довод от тех же Сивилл, от нихже едина Куманская предрече, яко во имени Мессии будет число 888. Сие число во имени Иисусовом, с итою пишемом, сполна обретается, а без иты не сполна: якоже всяк видети может в предложенном исчислении: i, и, с, о, у, с, 888.
Св. Ириней Лионский, кн. 1, гл. 8, стр. 41, изд. 1903 г.
Таково их учение, котораго ни пророки не возвещали, ни Господь не проповедал, ни апостолы не предали, и которым они хвалятся, будто знают обо всем больше других, ибо вычитали из неписанных книг. И взявшись, по пословице, из песку вить веревки, пытаются к своим положениям приладить с видом вероятности Господни притчи, или пророческия изречения, или апостольския слова, чтобы вымысл их не казался неимеющим никакого свидетельства. И при этом оставляют в стороне порядок и связь Писаний и, сколько можно, разрывают члены истинны.
Там же, гл. 15, ст. 70.
Это уже превосходит и увы, и ох, и всякое плачевное восклицание и выражение скорби! Ибо кто не возненавидит худаго слагателя и творца таких лжей, видя истинну, обращенную Марком в истукана, и при том исчерченнаго буквами алфавита;.. Кто стерпит, что ты Слово Божие, Творца, Зиждителя и Содетеля всего заключаешь в образы и в числа;.. Господа всего, утвердившаго небеса, подводишь под число весемьсот восемьдесят восемь;
Там же, стр. 68.
Ибо имя Иисус, по числу, заключающемуся в буквах, есть восемьсот восемьдесят восемь. И вот для тебя ясно, признаваемое Маркосианами, пренебесное происхождение Иисуса. Потому, говорят, и алфавит эллинский имеет восемь единиц восемь десятков и восемь сотен, что указывает на число: восемьсот восемьдесят восемь, то есть на Иисуса.
Там же, гл. 16, ст. 73.
Хорошо знаю, друг мой, что пробегая это, ты много посмеешься такой их мнимомудрой глупости. Но плача достойны те, которые такое благочестие и величие истинно неизреченной силы и дела домостроительства Божия так холодно и насильственно разрушают посредством альфы и виты, и числ. Кто отделяется от церкви и последует сим бабьим басням, те по истине суть самоосужденные, которых Павел повелевает нам после перваго и втораго вразумления отвращаться, а ученик Господень Иоанн усилил осуждение их, посоветовав нам и не привествовать их: ибо приветствующий их, говорит, сообщается делам их злым. И справедливо, ибо нет приветствия нечестивым, говорит Господь... Подлинно должно, отвергнув и прокляв это мнение, как можно далее бежать от них.
Св. Епифаний Кипрский, час. 2, ересь 34, стр. 24, 25, гл. 8 и 9, изд. 1864 г.
Употребляемое в речи имя Спасителя Иисус состоит из шести букв. Имя Иисус, по числу означаемому буквами, есть восемьсот восемьдесят восемь.( I, и, с, о, у, с.)
Там же, гл. 13, стр. 34.
Кто отделяется от церкви и последует сим бабьим басням, все те по истине суть самоосужденные, которых Павел повелевает нам по первом и втором наказании отрицатися (Тит. 3, 10–11), а ученик Господень Иоанн усилил осуждение их, посоветовав нам и не приветствовать их: глаголяй бо им, говорит, радоватися, сообщается делом их злым (2 Иоан. 11). И справедливо, ибо несть радоватися нечестивым, глаголет Господь... Подлинно, должно отвергнув и прокляв сие мнение, как можно далее бежать от них, и знать, что чем крепче стоят они за свои выдумки и увеселяются ими, тем более являют в себе действие осмерицы злых духов... Ибо исшедший нечистый дух безумия, потом находя их праздными, не для Бога, а для мирских изысканий, поемлет иных духов седмь лютейших себе, и устроив в этих людях образ мыслей шаткий от надмения возможностию помышлять о том, что выше Бога, и подготовленный к крайнему сокрушению, водворяет в них осмерицу злых духов безумия.
Нелепость доказательств, заимствуемых еретиками из числ, букв и слов. Св. Ириней Лионский, кн. 2, гл. 24, стр. 178, 179.
Ложность их учения и несостоятельность их вымыслов доказывается еще и тем, что они ищут доказательств то в числах и слогах имен, то в буквах и слогах, а иногда в числах, выражаемых у греков буквами. Тут ясно выказывается запутанность и нелепость, несостоятельность и натянутость их знания... Следовательно их число 888 совершенно падает... то ясно открывается и относительно прочих слов натянутость придуманнаго ими бесстыдным образом числоваго значения.
Там же, гл. 17, стр. 74.
Подлинно должно отвергнув и прокляв это мнение, как можно далее бежать от них, и знать, что чем крепче стоят они за свои выдумки и радуются ими, тем более являют в себе действие осмерицы злых духов.
Св. Игнатий Богоносец, посл. к Траллианом 1-е, стр. 11.
Бегайте убо безбожных ересей, суть бо диавольския изобретения началозлобнаго онаго змия.