* Петр Федоров стародубский последователь феодосиевцев,
впоследствии наставник феодосиевской С.-Петербургской общины,
умер в Стародубе в 1811 году на 78 году своей жизни.
Господи Исусе Христе!
Честнейший отец, Петр Федоровичь, здравия и спасения вам желаю!
Понудила написать сию убогую хартию заповедь Спасителя нашего: "не точию други, но и враги любите", законополагающа и своих наместников братскаго падения паче своея души оплаковати повелевающа; то и мы, убогие, по силе нашей, выше писанному ревнуя, аще и сами еще в части учащихся пребываем, обаче, дондеже дыхаем, о братии нашей претыкающейся болезновати и советовати не престаем.
Получили мы чрез здешняго жителя копию соборнаго сочинения, при котором и ваше имя приписано, и яко бы и вы оному согласны и своеручно подписалися. Естьли то правда? Только я не думаю в таком мужеумном возрасте и просвещенном разуме (чтобы) подвержены были вы таковым ошибкам; но сие есть человеческаго свойства; точию требует единаго исправления. Вы ведаете сами, честный отче, что Бог чрез пророка глаголет: "Горе напаяющему ближняго своего питием мутным". В Поморье же законоположение, вместо правильнаго исправления, преподается яко чаша пития мутнаго, и яко же о сем вашему любомудрию на разсуждение братски отчасти о Бозе предлагаем:
1. Понеже во едино суждение положисте, и яко брачившихся до Св. крещения, тако и новоженов, и се Святому Писанию весьма противно, понеже чрез сие опровергаете учение Святаго Апостола Павла, и возратовасте против Святаго Отца Златоустаго, воспротивоборствовасте противу Собора Вселенскаго Шестаго, опровергосте толкователей Божественных правил, вознепокорствовасте Российскому первопрестольному Иосифу Патриарху; разгласился еси ты прелюбезне с великоревностными страдальцы и со святопочившими мужи, преже бывшими нашими отцами; расторгл еси единомыслие со отцем своим духовным.
2. В третием основании вашего новосмышленнаго собора о приятии новоженов написасте неслыханные в Православной Церкви законы, что отступников Православныя веры и блудников во едино сие положисте, т. е., брачившихся у еретиков и самосходящихся единым чином приимати и четыредесятидневным постом грехопадения их исправляти. Но сие все Божественным законом и Правилом, о блудницах и отступницах написанным, вновь собою законополагати дерзнувших, противно.
3. Блудников со блудницами и беззаконно брачившихся во единых домех остависте жити без разводу, аще и под изветом чистаго жития попустисте единокупно пребывати, и сие попущено Святым Правилом ратоборно, и прежним Христианским учителем и страдальцем несогласно, паче же тайновмещение некое новомышленное блудническое, яко же некий есфиривый огонь, пожигающий нещадно Християнския души, в церковную породу вседерзостне введосте, яко Римский Папа предаде своим Латинским Капланам.
4. В этом основании соборнаго вашего устава, по третием чадородии человеком, спасительное покаяние, данное от Божия человеколюбия согрешающим, отрекосте. Сие не точию Святым Апостолом, или Собором, но самому предражаишему нашему Законоположителю, противоборно, иже семдесят седмерицею единым днем согрешающим отпущати повелевает и тмократицею падающим в скверну тимени прощати законополагает.
Подобно же сие новое учение противникам Святыя Церкви Новотияном.
5. Помысли, возлюбленный отче, о предстателе сего новопротивнаго собора, кто ту бе главно и прочии по нем навыкли. Сии беднии путешественницы темнонощнии не свои ли темнонощные следы, что лисы хвостом, застилати мнят; не своея ли выгоды ищут; не свою ли блудолюбную наготу незаконноправильным сим установлением покрывают, да мнимые их Агапиты короводворския келейницы не отъятые у них будут, и во своих беззакониях за потворство нечистожительства не обличени без исправления пребудут? Избави мя, премилосердый Боже, от осуждении братняго! Но кто суть сии древнии Вавилонстии старцы, судящие целомудренную Сусанну, глаголю, Православную Церковь? Киселевые Амосы, Симеоны Петровы и Алексий с Козьмами, и не противу сим идет Даниил с своими вопросами, да отличит любодейный залог блудолюбивых сих старцев, и да избавит от неправеднаго убиения целомудренную Сусанну.
6. О! коликий от сего будет соблазн, коликое претыкание, коликое тайноубийственное падение, аки некая темная буря, церковную тихоту возмущати будет!
Сократя сие моление, прелюбезный старец, именем Божием исправи сей прошибок, якоже прежнии Святии исправляху, и рукоприкладное подписание от неправильных соборов изглаждаху; к сему же помысли истиннаго любомудрия, до коликаго безчестия чрез сие неправильное закононоложение приити имут твоя честныя седины. Аще сие ваше установление выйдет в посторонние люди, которые обыкоша и правду развращати, кольми паче сицевую несправедливость, паче же рещи явственную законоправильным церковным уставоположением противность с потязанием обличати будут, и тем Православную Церковь безчествовати и Христианския души колебати.
При сем со смирением преклоняю мою главу к честным вашим стопам; лобзаю ваши седины своими недостойными устнами; извиняюсь в написанных мною, в которых вы сочтете за прошибок, но точию грубостью моего сердца вам открыва. Ей истина! От презельнаго усердия и от горящия любви и от сердечнаго усвоения, по должности Християнской, сия написати, сожалея сердечно, подвигся, да не посмеян будеши от Бога и от человек, при толикой честности безпорочной вашей жизни! Понеже прочии узаконители останутся во своем отдаленном от благоразумных человек пребывании.
Скончав, вам всяческих благ желатель
Илия Алексеев.
Сие писал Илия Алексеев Петру Федорову, когда он был в монастыре в Поморье,
в соборе Выгорецком 7285 лета (1777).